مو تمام تلاش خوره بلده مشتری هایی که بلده صحت و سلامتی خو به اکمال برق نیاز دیرن به خرچ میدیم.
اگه برق به طور غیرقابل توقع قطع شونه که باعث ازی شونه که زندگی کسی از خاطر ازو به خطر مواجه شونه، لطفاً به 000 زنگ دید.
مشتری هایی که به وسایل کمک زندگی نیاز دیرن، حمایت اضافی دریافت مونن، و مو از نزدیک قد شرکتای تامین کننده برق کار مونیم تا یک لیست دقیق از مشتری های که به وسایل کمک زنگی نیاز دیرن دیشته باشیم. ای مهم استه که قد شرکت تامین کننده برق خو راجستر کنید و اوناره توصیه کید که از چی طریقه می خوایید مالومات مربوط به برق خوره دریافت کنید.
تیم ازمو به صورت دوامدار کار مونه تا شبکه برق ره خوبتر کیده و حفظ و مراقبت کنه، اما، بعضی وقتا مو باید برق شیم ره قطع کنیم تا کارهای ارتاقا ددو یا حفظ و مراقبت ره د شبکه برق به صورت ایمن انجام بیدیم.
اگه ای کار شونه، مو حداقل 4 روز کاری پیش از قطع کیدون برق شیموره خبر مونیم.
قطع برق به صورت غیر-برنامه ریزی-شده هم می تینه بخاطر اتفاقای غیر قابل پیش بینی مانند حادثای ترافیکی یا آب و هوای خیلی بد اتفاق بوفته، حتی بلده مشتری هایی که وسایل کمک زندگی دیرن.
پس، چه قطع برق به صورت برنامه ریزی شده یا غیربرنامه ریزی شده باشه، مو توصیه مونیم که یک پلان اقدام بلده خو آماده دیشته باشید تا مطمئن شونید که وسایلای کمک زندگی شیم به صورت خوب به کار خو ادامه بیدیه.
بلده کسب مالومات بیشتر به لین تخصصی مو بلده مشتری هایی که به کمک زندگی نیاز دیرن تماس بیگرید: CitiPower د شماره 1800 066 909 یا Powercor د شماره: 1300 364 301
شاید مستحق تخفیف ها یا کمک های مالی مربوط به وسیله کمک زندگی که توسط حکومت ویکتوریا ارائه موشه باشید.
بلده کسب مالومات بیشتر به وزارت فامیلی، عدلیه و مسکن به تماس شید یا قد شرکت برق خو تماس بیگرید.
Explore another page
